İnstaqram paylaşımlarımdan süzülmüş elmi sağlamlıq yazıları. Marketinq deyil, elm.
Metabolik sindrom olduqda nə qədər idman etsəniz də qarın və bel nahiyəsindəki yağlar yox olmayacaq. Kök hormonal-metabolik səbəb aradan qaldırılmadan görülən tədbirlər faydasız olur. Müalicə mütləq həkim nəzarətində aparılmalıdır.
İnsulin yüksək olduğu üçün yağ yandırmaq çətinləşir. Qan şəkəri tez düşür, daim yemək istəyi yaranır. Hüceyrələr şəkəri düzgün istifadə edə bilmədiyindən xroniki yorğunluq yaranır. Müalicəsiz insulin dirənci Tip 2 diabetə çevrilə bilər.
Keyfiyyətli yuxu zamanı böyümə hormonu ifrazı artır — yağ yandırılması sürətlənir. Yuxu leptin səviyyəsini yüksəldərək toxluq hissini artırır, grelin azaldaraq aclıq hissini azaldır. Yuxu rejiminin düzgün tənzimlənməsi çəki idarəsini yaxşılaşdırır.
Limon, sirkə, chia toxumu, kətan toxumu birbaşa çəki itirilməsini təmin etmir — yalnız dəstəkləyici rol oynaya bilər. Əsas prinsip: qəbul edilən enerji sərfiyyatdan az olmalıdır. Sağlam qidalanma, protein balansı, fiziki aktivlik birlikdə işləyir.
Rafinasiyadan keçmiş palma yağı zərərli trans yağlar ehtiva edə bilər. Doymuş yağlarla zəngindir — xolesterinin yüksəlməsinə səbəb ola bilər. Orqanizmdə xroniki iltihabı artıra bilər. Yüksək kalorili olduğu üçün həddindən artıq istehlak kilo artımına gətirib çıxarır.
0 kodu: tam orqanik, açıq havada, hormonsuz. 1 kodu: açıq şəraitdə, bəzən süni yem. 2 kodu: qapalı fermada, hərəkət məhdud. 3 kodu: kafes şəraitdə, hormonal müdaxilə var. 1 və 2 kodlu yumurtalara üstünlük verilməsi tövsiyə olunur.
Təhlükəli: 3 (PVC — kanserogen), 6 (PS — qızdırıldıqda toksik), 7 (BPA — hormonal pozuntu). Daha təhlükəsiz: 1 (PET), 2 (HDPE), 5 (PP — ən təhlükəsiz). Qab alarkən 1, 2, 5 nömrəsinə üstünlük verin.
Sağlamlığınız marketinqin deyil, elmin əlindədir. Faydalı olan hər şeyin daha çoxu daha faydalı deyil. Ehtiyac olmadığı hallarda qida əlavəsi tövsiyə edilmir. Planlayırsınızsa mütləq həkim nəzarətində, qan analizlərindən sonra istifadə edin.
Hər gün bədənimizdə yüzlərlə potensial xərçəng hüceyrəsi yaranır. Sağlam immun sistem onları tanıyır və zərərsizləşdirir. İmmuniteti qorumaq üçün: keyfiyyətli yuxu, antioksidant qidalanma, müntəzəm hərəkət, stressdən uzaq olmaq, günəşdən D vitamini almaq.
Autofagiya hüceyrələrin zədələnmiş komponentlərini parçalayaraq yenilənmə prosesidir. Qocalma ilə mübarizə aparır, immun sistemini gücləndirir, xroniki xəstəliklərin riskini azaldır. Aralıqlı oruc autofagiyanı aktivləşdirmək üçün elmi metoddur.
"Daha sağlam ol!", "Gənc qal!", "Arıqlamağın sirri budur!" — bu cümlələrlə elmi sübutu olmayan məhsullar satılır. Sağlamlıq marketinq yox, elmlə idarə olunmalıdır. Aldanmamaq üçün araşdır, yoxla, şübhə et.
1. Siqaret və tütündən çəkinin. 2. Sağlam qidalanın. 3. Fiziki aktiv olun. 4. Alkoqoldan çəkinin. 5. Günəşdən qorunun. 6. Daimi tibbi müayinələrdən keçin. Bu 6 prinsip elmi sübuta əsaslanır.
Kəskin pankreatit qəfil başlayır: qarın ağrısı, ürəkbulanma, qusma. Xroniki pankreatit pankreas toxumasının daimi zədələnməsi ilə nəticələnir — həzm pozğunluqları və şəkərli diabet riski yaranır. Əsas səbəblər: alkoqol, öd daşı, yağlı qidalar.
Hippokrat: "Bağırsaqlarını tam boşalt — sağlam ol." Xroniki qəbizlik orqanizm üçün çox zərərli prosesdir, psixo-emosional sferaya belə mənfi təsir edir. Uzunmüddətli işlədici preparatlar keçici təsirə malikdir — vəziyyəti zamanla daha da ağırlaşdırır.
Öd daşları öd axarını tutmadığı hallarda müalicə mümkündür. Daşın tərkibindən asılı olaraq uzunmüddətli müalicədə əritmək mümkün olur. Öd daşı yaranmasının əsas səbəbi öd qatılaşmasıdır. Diaqnoz ultrasəs müayinəsi ilə aparılır.
Mədə xorası ağrıları qastrit ağrılarından fərqli olaraq yeməkdən sonra başlayır, adətən gecə saatlarında kəskinləşir. Mədə xorasının diaqnostikası endoskopiyasız da mümkündür.
Yüksək qan təzyiqi ürək damarlarını, beyni, böyrəkləri, görmə sistemini zədələyir. Miokard infarktı, insult, böyrək çatışmazlığı, anevrizma — bunların hamısı müalicəsiz hipertoniyanın nəticəsi ola bilər.